3012 xəbər tapıldı
2023-cü ilin iyul ayının sonuna Ermənistanın dövlət borcu təxminən 11 milyard 352 milyon dollar təşkil edib. Ölkənin Maliyyə Nazirliyinin məlumatına görə, ilin əvvəli ilə müqayisədə borcun məbləği 714 milyon dollar və ya 6,7% artıb. Bildirilir ki, daxili dövlət borcu xarici borcdan daha sürətlə artır.
Bank kartları ilə metroda ödəniş üçün araşdırmalar aparılıb. Bunu açıqlamasında “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib. Onun sözlərinə görə, metropolitendə bank kartları ilə ödəniş sistemin tətbiqi öyrənilib.
Mən stomatoloji xidmət alıram və əldə etdiyim tibbi xidmət üçün ödədiyim məbləğlərə görə ƏDV-nin geri qaytarılması hüququmdan istifadə etmək istəyirəm. Bu baxımdan, fərdi qaydada stomatoloji fəaliyyət göstərən diş həkimi tərəfindən mənə göstərilən tibbi xidmətlərə görə nəzarət-kassa aparatının çeki təqdim edilməlidirmi?
2023/2024-cü tədris ili üzrə rus bölməsinə qəbul olan şagirdlərin sayı məlum olub. Bu barədə Oxu.Az-ın sorğusuna cavab olaraq Elm və Təhsil Nazirliyindən məlumat verilib. Qeyd edilib ki, 2023/2024-cü tədris ili üzrə rus bölməsi üzrə birinci sinfə 11 943, məktəbəhazırlıq qruplarına 5 568 uşaq qəbul olub.
2023-cü ilin 6 ayı üzrə tədiyə balansı əsasən neft və qaz qiymətlərinin əlverişli olması, qeyri-neft-qaz ixracının artması və kapitalın və maliyyənin hərəkəti hesabında müsbət meyllərdən təsirlənmişdir. Cari əməliyyatlar balansında 5 milyard 155 milyon dollar, kapital və maliyyənin hərəkəti hesabında isə 509 milyon dollar profisit yaranmış, ehtiyat aktivləri 5 milyard 245 milyon dollar artmışdır.
2023-cü ilin altı ayında Azərbaycanın qarşılıqlı turizm xidmətlərinin dövriyyəsi 45.7% artaraq 1.1 mlrd. ABŞ dolları olub. Hesabat dövründə turizm xidmətləri üzrə ixracın 589.4 mln. dollar olduğu halda, idxalı 488.2 mln. dollar olub. Beləliklə, turizm ixracının idxalı üstələməsi nəticəsində 101.2 mln. dollar həcmində profisit yaranıb. Turizmdən gələn gəlir illik müqayisədə 87% artıb.
Rusiya Küveyt, Oman, Bəhreyn, Səudiyyə Ərəbistanı və Malayziya üçün turist vizalarının tamamilə ləğvini təklif edib.
Bu ilin yanvar-avqust aylarında istehlak qiymətləri indeksi 2022-ci ilin eyni dövrü ilə müqayisədə 111,7%, o cümlədən ərzaq məhsulları, içkilər və tütün məmulatları üzrə 113,4%, qeyri-ərzaq məhsulları üzrə 110,6%, əhaliyə göstərilmiş ödənişli xidmətlər üzrə 110,2% təşkil edib. Trend bu barədə Dövlət Statistika Komitəsinə istinadən xəbər verir.
“Bütün məktəblərdə vahid məktəbli formalarının seçimi təsdiq olunub”. “Qafqazinfo” xəbər verir ki, bunu Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva jurnalistlərə açıqlamasında deyib. Onun sözlərinə görə, vahid məktəbli forması nizam-intizamın başlanğıcıdır:
“Neftin qiymətinin artması dövlət büdcəsindən xərcləmələr üçün, xüsusən də fiskal öhdəliklərin vaxtında və nəzərdə tutulan məbləğdə həyata keçirilməsi baxımından imkanlar yaradır”. Bu fikirləri Milli Məclisin deputatı Vüqar Bayramov bildirib.
Azərbaycan Dövlət Su Ehtiyatları Agentliyi “Azərsu” ASC ilə Mekorot Water Company şirkəti arasında dəniz suyunun duzsuzlaşdırılması layihəsi çərçivəsində texniki məsləhət xidmətlərinin göstərilməsi üzrə müqavilə imzalanıb. “APA-Economics” bu barədə Azərbaycan Dövlət Su Ehtiyatları Agentliyinin yaydığı məlumata istinadən xəbər verir.
Azərbaycan Müdafiə Sənayesi Nazirliyinin tabeliyində “Azərsilah” Müdafiə Sənayesi Holdinqi Qapalı Səhmdar Cəmiyyəti yaradılır. “Qafqazinfo” xəbər verir ki, bu barədə Prezident İlham Əliyev Fərman imzalayıb.