3012 xəbər tapıldı
31 dekabr 2022-ci il tarixində fəaliyyətdə olan bankların cəmi aktivləri 47 milyard 54.9 milyon manat, cəmi öhdəlikləri 41 milyard 432.8 milyon manat, balans kapitalı 5 milyard 622.1 milyon manat olmuşdur.
Finlandiya 2019-cu ildən Türkiyəyə tətbiq etdiyi silah embarqosunu ləğv edib. “Qafqazinfo” xarici KİV-ə istinadən xəbər verir ki, bunu Finlandiya Müdafiə Nazirliyi bildirib. Nazirlik 2019-cu ildən qüvvədə olan “Türkiyəyə hərbi texnika ixracına qoyulan embarqonu” ləğv etdiyini və ona satış üçün lisenziya verildiyini açıqlayıb.
“Heydər Əliyevin 100 illiyi ilə bağlı böyük əfv qərarı həyata keçiriləcək”. “Qafqazinfo” xəbər verir ki, bu fikirləri İnsan hüquqları komitəsinin iclasında komitənin sədri Zahid Oruc deyib. O bildirib ki, komitəyə əfv qərarları ilə bağlı müraciətlər var: “Ulu Öndərin 100 illiyi ilə bağlı böyük əfv qərarı icra ediləcək”.
“İcbari tibbi sığorta haqqında” yeni qanun layihəsi hazırlana bilər. “Report” xəbər verir ki, bunu Milli Məclisin Səhiyyə komitəsinin sədri Əhliman Əmiraslanov komitənin yanvarın 25-də keçirilən iclasında deyib.
2022-ci il ərzində Azərbaycanda, ümumilikdə, 109 602 mənzil alqı-satqısı müqaviləsi rəsmiləşdirilib. Ədliyyə Nazirliyinin məlumatına görə, evlərdən 1974-ü əcnəbilər, 107 628-i isə yerli vətəndaşlar tərəfindən əldə edilib.
Nazirlər Kabineti “Dövlət qulluğu ilə bağlı bəzi məsələlərin tənzimlənməsi haqqında” Qərarında dəyişiklik edib. Dəyişikliklərə əsasən, 2023-cü il yanvarın 1-dən etibarən dövlət orqanlarında çalışan dövlət qulluqçusu olmayan işçilərin (qeydiyyatçı, nəzarətçi, təsərrüfat işçisi, xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları artırılıb.
“Azərkosmos" bu il 2-6 oktyabr tarixlərində Bakıda keçiriləcək Beynəlxalq Astronavtika Konqresinin təşkil edilməsi məqsədilə sərgi pavilyonu konstruksiyalarının satın alınması tenderinə yekun vurub.
“Mərkəzi Bankın yanvarın 24-də keçirilmiş valyuta hərracında banklar tərəfindən valyuta sifarişi verilməyib, yəni valyuta satışı olmayıb. Ondan əvvəlki hərracda isə satışın həcmi cəmisi 1.5 milyon dollar olub”. Bu hərracla bağlı fikir bildirən iqtisadçı Samir Əliyev bunun ilk belə hal olduğunu bildirib.
Bloomberg-in 14 qurumu əhatə edən sorğusuna əsasən, 2023-cü ilin birinci rübü üçün bazar iştirakçılarının orta avro/dollar proqnozu 1,06 dollar olub. Ən yüksək qiymət proqnozlaşdıran qurum JP Morgan Chase-dir. Qeyd edək ki, hazırda avro/dollar məzənnəsi 1.0863 səviyyəsindədir (1 avro 1.0863 dollara ticarət olunur).
Hazırda Azərbaycanda vaxtı keçmiş kreditlərlə bağlı mənzərə o qədər də pis deyil. 2022-ci ildə 20 milyard manat kredit borcları var. Vaxtı keçmiş kreditlərin həcmi isə təxminən 600 milyona yaxındır ki, bu da 3 faiz həcmindədir.
Medicina.az saytı populyar televiziya proqamlarında həkimlərin reklam olunmasının qiymətləri barədə araşdırma aparıb. ATV telekanalında Zaur Baxşəliyevin "Bizimləsən" proqramında müvafiq xidmətin qiyməti ƏDV-siz 16-18 min manatdır. Zaur Baxşəliyevin verilişinə şəxsən çıxmaq üçün əlavə ödəniş tələb oluna bilər.
Bu il Rəqabət Məcəlləsinin qəbul edilməsi böyük bir hadisə olar. “Report”un məlumatına görə, bunu bu gün Milli Məclisin İqtisadi siyasət, sənaye və sahibkarlıq komitəsinin iclasında deputat Əli Məsimli bildirib.