378 xəbər tapıldı
Bu ilin may ayı üçün bayramla əlaqəli qeyri-iş günləri məlum olub. 9 May Qələbə Günü, 28 May isə Müstəqillik Günüdür. 2023-сü ildə mayın 28-i həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq 29 may tarixi istirahət günüdür.
"Yanvar-fevral aylarında daşınmaz əmlak bazarında təklifin sayı azalıb. Demək olar ki, stabillik hökm sürüb. Qiymətlərdə 2-3 faiz bahalaşma müşahidə olunur".
Tıxac problemindən xroniki əziyyət çəkən və son bir həftədə sözün əsl mənasında tıxanan Bakı üçün bu məlumat çox aktualdır. Metro stansiyaların tikintisi Bakıda niyə ləngiyir, Bakı ətrafına elektrik qatarları niyə işləmir? Qeyd edək ki, son 30 ildə Bakıda cəmi 7 stansiya istifadəyə verilib ki, onların da təxminən yarısı Sovetlərin dağılma dövründə konservasiya edilmişdi.
Bu günlərdə sosial şəbəkələrdə işsiz şəxslərə 200 manat ödənişin verilməsi ilə bağlı yayılan məlumatlarla bağlı açıqlama vermişdi və bunun həqiqəti əks etdirmədiyi vurğulanmışdı. Açıqlamada hazırda “Məşğulluq haqqında” qanuna əsasən işsizlik müavinəti adlı bir ödəniş növünün mövcud olmadığı, yalnız işsizlikdən sığorta ödənişi adlı sosial təminat növü olduğu qeyd edilmişdi.
İl ərzində 11 900 iş yeri ləğv edilib. Komitə bildirir ki, iş yerlərinin bağlanması həm müəssisə və təşkilatların ləğv edilməsi, həm də aparılan ixtisarlara bağlıdır. Bu dövrdə bağlanan iş yerlərinin 39,3 faizi qeyri-dövlət sektorunun payına düşmüşdür. Başqa sözlə, dövlət sektorunda 4680 iş yeri ixtisar edilib.
Bakının bəzi məktəblərində rəhbərlik tərəfindən şagirdlərə aprel ayının 15-dən etibarən dərsə məktəb tərəfindən müəyyən olunmuş geyim formasında gəlmələri ilə bağlı göstəriş verilib. Bu barədə “Qafqazinfo”ya valideynlər müraciət ediblər. Onlar bildirirlər ki, tədris ilinin sonunadək şagirdlərə yeni geyim formaları ilə yanaşı əvvəlki məktəbli formalarından istifadəyə icazə verilirdi.
2019-cu ildə keçirilən əhalinin siyahıyaalınmasının nəticəsi əsasında yenidən hesablanmış əhalinin sayı bu ilin yanvar ayının 1-i vəziyyətinə 10127145*) nəfər təşkil edib. Bu barədə Dövlət Statistika Komitəsindən bildirilib. Qeyd olunub ki, əhalinin 54,6 faizini şəhər, 45,4 faizini kənd sakinləri, 49,8 faizini kişilər, 50,2 faizini isə qadınlar təşkil edir.
Kaspersky mütəxəssisləri 2022-ci ildə Azərbaycanda uşaqların ən çox ziyarət etdikləri saytların kateqoriyalarını təhlil ediblər. FED.az xəbər verir ki, bu məlumatlar 2022-ci il üçün Windows və macOS platformalarının istifadə olunduğu masaüstü kompüterlərdə müxtəlif kateqoriyalı resurslara edilən ziyarətlərin sayına dair Kaspersky Safe Kids-in anonim statistikasına əsaslanır.
Bələdiyyələrdən 2-3-ü birləşib uşaq bağçası aça bilər. Bu gün bağçalara böyük ehtiyac var. “APA-Economics” xəbər verir ki, bunu Milli Məclisin Regional məsələlər komitəsinin bugünkü iclasında deputat Tahir Rzayev bildirib.
“Bəzən vətəndaşlar 10-15 ildən artıqdır ki, mülkiyyətində torpaq sahəsi olmasına baxmayaraq, onların həmin ərazidə tikinti işləri aparmasına icazə verilmir. Nəzərə almaq lazımdır ki, torpaq sahəsinin ilk növbədə həmin şəxsin adına dövlət qeydiyyatından keçirilməsi lazımdır. Yəni, əmlak üçün çıxarış alınmalıdır. Əgər çıxarış varsa, şəxs həmin torpaq sahəsində tikinti işləri apara bilər”.
Pensiyaların artırılması üçün yeni bir mənbə üzərində iş aparılır. Söhbət ondan gedir ki, vətəndaşların pensiya kapitalı kimi Dövlət Sosial Müdafiə Fonduna toplanan vəsaitləri investisiya məqsədilə istifadə oluna bilər.
İpoteka və Kredit Zəmanət Fondu tərəfindən “Elektron ipoteka və kredit zəmanət” sistemindən istifadənin daha da asanlaşdırılması və vətəndaş məmnunluğunun təmin edilməsi məqsədilə əlavə tədbirlər görülüb.